PUBLISHED: Mar 08, 2014
DESCRIPTION:
Orð og lag: Páll Isholm
Sangur: Flemming Petersen og Kristina Bærendsen
Kór: Flemming Petersen og Kristina Bærendsen
Gittar: Flemming Petersen
Gittar: Benjamin Petersen
Bass og saxofon: Mikkjal Joensen
Trompet, trombone og flugelhorn: Ólavur Olsen
Trummur: Brandur Jacobsen
Á vári sprettur sinnið frítt
tað einans kennir til svart og hvítt
tú stígur um kærleiksgátt
og dregur lívsins andadrátt
Vit stóðu still har við sjóvarstrond
og knýttu fast í hugan bond
ið skaptu sæla, søta stund
Vit leska kundu hvørt sekund
Lívið eitt eydnuspæl altíð er
har hjólið snarar við sniglaferð
Á hvørjum tali tú lendir á
tú ei kanst vita fyrr enn tá
Og minnist tú tá ið summarsól
reiddi okkum búgvið ból
har vit bert kundu taka av
øllum tí sum kætið gav
Í løtum myrkur við okkum bar
tú ivaðist hvagar leiðin varð
men myrka támið yvir lá
til sólin aftur sá
Lívið eitt eydnuspæl altíð er
har hjólið snarar við sniglaferð
Á hvørjum tali tú lendir á
tú ei kanst vita fyrr enn tá
Á heystartíð er øll verðin klár
í afturskyni sæst eydnan vár
Vit heysta tað sum vit hava sátt
nú stórt er smátt og grátt er grátt
Á vetri fetini veik og smá
og hárini blivin fá og grá
Vit takka fyri hesa stund
og stevna trygg á annan fund
Lívið eitt eydnuspæl altíð er
har hjólið snarar við sniglaferð
Á hvørjum tali tú lendir á
tú ei kanst vita fyrr enn tá