DESCRIPTION:
Sire cuens, j'ai vïelé
Devant vous en vostre osté;
Si ne m'avez riens doné
Ne mes gages acquité:
C'est vilanie.
Foi que doi sainte Marie,
Ensi ne vous sieuvré mie.
M'aumosniere est mal gamie
Et ma bourse mal farsie.

Sire cuens, car conmandez
de moi vostre volentè.
Sire, s'il vous vient a grè
un biau don car me donez
par courtoisie.
Talent ai, n'en duotez mie,
de raler a ma mesnie:
quant vois, bourse desgarnie,
ma fame ne me rit mie.

Ainz me dit - " Sire Engelè!
En quel terre avez estè
qui n'avez riens conquestè?
Trop vous estes deportè
aval la ville.
Vez com vostre mala plie!
Ele est bien de vent farsie
honiz soit qui a envie
d'estre en vostre compaignie!" -

Quant je vieng a mon ostè
et ma fame a regerdè
derrier moi le sac enflè
et je qui sui bien parè
de robe grise,
sachiez qu'ele e tost jus mise
la conoille sanz faintise;
elle me rit par franchise,
ses deus bras au col me lie.

Ma fame va destrousser
ma male sanz demorer;
ma pulcele va tuer
deux chapons pour apreste
a jance aillie.
Ma fille m'aporte un pigne
en sa main par cortoisie;
lor sui de mon ostel sire
plus que nus ne porroit dire.