DESCRIPTION:
https://itunes.apple.com/ch/album/uf-dbuhni-feat.-urs-pop-bidr/id717251249
https://www.facebook.com/pages/L-O-V-E/631196656924757
ARTWORK by Joder von Rotz http://www.yk-animation.ch/
INSTRUMENTAL by Jones http://www.jonesmusic.ch/jones.html

Songtext:

w'sch d'shit, d'sch d'shit, d'sch dr fit, d'sch d'hit, 's git nüt wo's nid git, wenn i aues gibe, bi grad uf em höheflug, chöit dir das ghöre jungs? yeah, yeah, das isch L.O.V.E aka fit, fitty boy, nu school, huere guet druff, geschter grad 18i worde, füehle mi wi 16, yeah
das geit a au di rapmüede dame u herre, wo sich jahrelang für rap bemüeht hei aber ihm jtz dr rügge chehre, i wett mi für ne wehre, sit jahrelang, dür dick u dünn, di dickschte fründe, heit nech gäge di bitches verbündet i dr szene, jtz läbet dir uf em land, färbet öii haar, öii froue si schwanger und dir häbet scho sächs goofe uf em arm, mir chöi das rad vor zit jtz nid zrüggdräihe, aber mir chönnte hie und jtz uf dere bühni düredräihe, sit mau mini rap-götter gsi, ha bättet zu öich, ha grännet wo dir öii band ufglöst heit, "l-deep git's nümm mann!" heit dir gseit, ha mir überleit ob i mir söu ds läbe näh, aues angere isch e whack gäge öich, sit mir so iigfahre, igrahmeti flyer hange a mire zimmerwang, jedi platte vo öich han i vierfach, würd jtz hie nid rappe, we's mi nid immer drus täti, kenne jede track vo öich uswändig

PRE CHORUS: du chasch nümm, ersparsch dir di müeh, du masch nümm, erwachsch, aber bisch z'müed, i säg dir's lieber einisch z'schpät, aus hundert mau z'früeh: we d'mau nüt meh besser's z'tüe hesch de, de, de,...
CHORUS: de chumm uf d'bühni ufe, gib no ne freestyle, chumm uf d'bühni hey, gib no ne aute teggscht u si erkenne dini lyrics wider, liebe di style, rap het nüt z'tüe mit em auter checksch? i chume uf d'bühni ufe, gibe no ne freestyle, chume uf d'bühni ufe, gibe no ne aute teggscht si erkenne mini lyrics wider, liebe mi style, rap het nüt z'tüe mit em auter, i checke's!

BIDR: p pp potz blitz, wär isch de das jtz? vilich son e aute lahmarsch wo's nid cha la si, e sogenannte rap-veteran, iiu nid rapresentiert ds bärn u ds biel, scho lang niene meh real, si stil scho i de 90er z'futuristisch, z'gschliffe, 2000 vo niemerem meh begriffe, 2010 het er's ändlech häregschmisse, vo niemerem vermisst, vo niemerem meh disset, aber gliich gsehsch ne unverhofft mau uf ere bühni, hout di d'vergangeheit ii, so wi hobbitz und LDeeP u du chasch's nid lasi u losisch witerhiin wüu sini schtimm: easy u sidefiin u d'flows si verlässlech, ds outfit isch hässlech, d'party isch gschpässig u ds soundsystem grässlech, aber me lost ihm zue, jedes wort verständlech wüu er routiniert rappt u d'punchlines verhäbe, är isch sozäge unesco-rap-erbe, e tyrannosaurus mit sexappeal, LDeep gründigsmitglied u immer zviu, immer no ohni derbi z'si ganz vore mit derbi...

URS POP: jtz nume nid hyperventiliere, jtzchasch no einisch brilliere, chasch's no einisch probiere, einisch vo dr bühni obeabe stiere, mit betonig uf stiere, da schtöh si, stiere mi a oder gö grad a d'bar, während i mini texte ufsäge, won i guet uswändig cha, so guet, dass i se fasch uswändig cha, ja ja di eigete texte si immer no di beschte, während sich bi jenschte angere immer wider so ne bodelosi schäri zwüsche würklechkeit u behouptig uftuet, uh so klartext rede tuet guet, i muess scho säge: bi froh, dass i nümm im hip hop chueche bi, aber eifach schad isch, dass nümm mit de dööögs am rappe bi, das isch eifach ging huere luschtig gsi "huere seit me nid" ja ja i weiss, aber gopf, das fäut mir scho e chli, das fäut mir e chli...
ja i ha 77 styles u zeige nume 2... ja i ha 77 styles u zeige nume 2, dr eint isch uraut u dr anger nümm nöi, 's isch gliich wüu i bi ne u du bisch ne nid, dr ma, dr bräm u du hesch bigoudi, du läbsch vilich für e rap, i säge es het gfägt fräne, wüsch se wäg d'trääne, wäg dene muesch du nid ufhöre rappe, wüu dasss es im läbe no meh het aus dass wo du kennsch, weiss doch nid, scheissegal... mir gö ab mit de gieleeeeee!