DESCRIPTION:
Tos uèlhs
Cançon de Primaël Montgauzi (mot e son)
Primaël Montgauzi (votz e guitarra)
Damb Chokri Trabelsi (od (laüt oriental) e percussions)

primaelmontgauzi@gmail.com
https://fr-fr.facebook.com/Primael-Montgauzi-640729372607676/
https://primaelmontgauzi.com/

Oc las penas prigondas
Deu pòble encadenat
Oc las aubas més rojas
A cada lendeman
Oc la guèrra insensada
Oc la guèrra dels rics
Qu'aucix pas que praubes
A l’asard d'un camin
Oc la vita murtrèra
Las leis d’injustícia
Oc les camps de misèria
Au ras dels paradises
Oc mès tos uèlhs...

Oc l’enfant que s’amaga
Tà hugir le fusilh
Oc la tèrra macada
E la flor que’s morix
Oc las granas idèas
Qu’an desapareixut
E las vielhas estelas
Dont viu pas que la lutz
Oc las lengas caradas
E le sang per la rua
La revòlta assassinada
Devath l’espiar de la lua
Oc mès tos uèlhs...


Oc las paraulas mòrtas
Pr’amor de tròp d’orgulh
Oc las amors perdudas
E les espèrs en hum
Oc tas mans que no sàben
Pas ben com embraçar
E mos pòts que no pòden
Pas més díser vertats
Oc les mots que’ns engànhan
Le silenci dels dius
L’inutila pregària
Dauant la fin deu dia
Oc mès tos uèlhs...