DESCRIPTION:
My channel:http://www.youtube.com/user/elmimo59
LouvergnyEdition: http://www.youtube.com/user/LouvergnyEdition
Les Rencontres de Louvergny 2008
http://musicales-louvergny.com/

Jan Novák: Mimus Magicus (1969)
"ecloga virgiliana per soprano, clarinetto e pianoforte"
soprano: Eva Dřízgová- Jirušová
clarinetto: Igor Františák
pianoforte: Elena Strati

Please visit the playlist:http://www.youtube.com/watch?v=kIuqYzNVJW4&list=PLpSrqnxhjRQrPsRga7fkY7aDod2s5nUJ_

Pronuncia "restitutio" del testo latino secondo le precise indicazioni dell'autore, maestro Jan Novák.

MIMVS MAGICVS

Effer aquam et molli cinge haec altaria vitta,
verbenas adole pingues et mascula tura,
coniugis ut magicis sanos avertere sacris
experiar sensus; nihil hic nisi carmina desunt.
ducite ab urbe domum, mea carmina, ducite Daphnim.

carmina vel caelo possunt deducere lunam,
carminibus Circe socios mutavit Ulixi,
frigidus in pratis cantando rumpitur anguis.
ducite ab urbe domum, mea carmina, ducite Daphnim.

terna tibi haec primum triplici diversa colore
licia circumdo, terque haec altaria circum
effigiem duco; numero deus impare gaudet.
necte tribus nodis ternos, Amarylli, colores;
necte, Amarylli, modo, et 'Veneris' dic 'vincula necto'.
ducite ab urbe domum, mea carmina, ducite Daphnim.

limus ut hic durescit et haec ut cera liquescit
uno eodemque igni, sic nostro Daphnis amore.
sparge molam et fragiles incende bitumine lauros.
Daphnis me malus urit, ego hanc in Daphnide laurum.
ducite ab urbe domum, mea carmina, ducite Daphnim.

talis amor Daphnim, qualis, cum fessa iuvencum
per nemora atque altos quaerendo bucula lucos
propter aquae rivum viridi procumbit in ulva
perdita, nec serae meminit decedere nocti,
talis amor teneat, nec sit mihi cura mederi.
ducite ab urbe domum, mea carmina, ducite Daphnim.

has olim exuvias mihi perfidus ille reliquit,
pignora cara sui, quae nunc ego limine in ipso,
terra, tibi mando; debent haec pignora Daphnim.
ducite ab urbe domum, mea carmina, ducite Daphnim.

has herbas atque haec Ponto mihi lecta venena
ipse dedit Moeris -- nascuntur pluruma Ponto --
his ego saepe lupum fieri et se condere silvis
Moerim, saepe animas imis excire sepulcris
atque satas alio vidi traducere messes.
ducite ab urbe domum, mea carmina, ducite Daphnim.

fer cineres, Amarylli, foras rivoque fluenti
transque caput iace, nec respexeris. his ego Daphnim
adgrediar; nihil ille deos, nil carmina curat.
ducite ab urbe domum, mea carmina, ducite Daphnim.

adspice, corripuit tremulis altaria flammis
sponte sua, dum ferre moror, cinis ipse. bonum sit!
nescio quid certe est, et Hylax in limine latrat.
credimus? an, qui amant, ipsi sibi somnia fingunt?
parcite, ab urbe venit, iam parcite, carmina, Daphnis.