DESCRIPTION:
Bondì, care muraje,
teile d'aragn, bondì,
veddve ch'i son tornaje,
vardeme torna sì.
J'eu sempre penssà a voi o gloriosissim froi!
Bondì, bondì, bondì, vardeme torna sì.

Oh quante volte, oh quante,
i v'eu parlave oh trav!
I v'eu sognave, oh sante
crichè, oh beate ciav!
Ah! I veddo ant un canton me nòm scrit con d'carbon.
Bondì, bondì, bondì, vardeme torna sì.

Sul nas dla Polissia
la musa del Piemont
l'è pròpe sì ch'a vnia
a caresseme 'l front.
I sento ancor j'osei besbiè me ritornei.
Bondì, bondì, bondì, vardeme torna sì.

Lo ricordeve ancora?
Combinassion fatal!
A l'era Pasqua alora
e adess a l'è Natal.
Noessgnor a moeir, a nass,
e am lassa mi ant'i strass?
Bondì, bondì, bondì, vardeme torna sì.

Per pi nen vnive a vedde,
povre muraje plà,
quanti a son fasse credde
ribenedì dai frà!
Ma mi, per pioeva e sol, mi son stait sempre col.
Bondì, bondì, bondì, vardeme torna sì.

Da dop ch'i v'eu chitave
son quindes ani tost!
a s'è piantassne d'fave,
a s'è scaodassne d'ròst!
Ma lon ch'a l'à tnu bon it ses mach ti, o person!
Bondì, bondì, bondì, vardeme torna sì.

Dle neuve teorie
ch'a ilustro Doira e Po,
a l'è sì, da coste grie
ch'as ved ben al Drapò.
Da sì com'a l'è bel el sol d'Piassa Castel!