DESCRIPTION:
لطفي دوبل كانون يقصف الوزير الاول عبد المالك سلال بأغنية دفاعا عن الله
كلمات الاغنية :
ربّي ذا الجلال ذو العزة والجمال
قالو عليه اليوم الجهال النور راهو داير دي جيمال ...
لا لا معجبنيش الكلام لي قاعد تنطق فيه بفمكّ ..
الرسول كون جا معانا كون قالك ثَكلثك امّكـ ..
وانـآ نقولّكـ راكـ مرّنَكـ وراك باقي غير تقدام
العباقرة لي كيفكـ في هاذ الدنيا راهم قلال ..
البلاد ولّات قربان عفسوهـآ تحت الاقدام
كي الوزير مابقاش يفرّق بين الشعر والقران ..
تقول عليهم جامي قراو مستواهم تاع انسان بدائي ..
المخ راهو خالي وخاوي تقول طفل في الابتدائي ..
الشعب يعاني ينادي بلادي حالتي مريضة
والحلول الّي انتَ رميتها حرّك حرّك المرميطة..
والله هاذي كاريثة كون جا يسمع بيك بوضياف
يقولّك هزّ البقرات روح ترعى بيهم في الارياف
النيــفو طايح بزّاف سياستكم راهي فَريدَة ..
قبّل ماتسيّر هاذ البلد روح تعلّم ادّير جُملَة مُفيدة

يا قيو يا قيو فاقو فاقو الفقاقير ..
راهم جابولنا عبد قديم واقيلا شارب عَقاقير ...
يا قيو يا قيو فاقو فاقو الفقاقير ..
قول للشيخ شمس الدين هاذا مهبول روح رقّيه

يا قيو يا قيو فاقو فاقو الفقاقير ..
راهم جابولنا عبد قديم واقيلا شارب عَقاقير ...
يا قيو يا قيو فاقو فاقو الفقاقير ..
قول للشيخ شمس الدين هاذا مهبول روح رقّيه

ربّي يعيّش الوَزيــــر رجّعَ البلاد كي باري ..
اليوم في كل ولاية كاين 30 .40 كاباري ..
يا حرامي يا خرابي .. دارو قوانين سنا
باه البيّـرا تعود تَتبـآع بثلاث الاف وخمس مئة ..
مكرا بَكرة كيمـآ هكّـآآ غير باه الشعب يروح في السَكرة ..
خير ما يبقى يخمو علا الشوماج ولا على السكنة
السلطة سايبة ساهية ساكتة والرجالة في المينيستار
راهم لاتيين يعاودو الزواج بالستاجار والسيكريتار ..
يا سلام يا سلام وين وصلو لهنـآ المَسؤولين .
نصهّم مسخوطين يتبّعو التَر .. كي برلسكوني
صَدقّوني والله مالاتيين بالاقتصاد
راهو جايبينهآ غير سهرات سكرة بابيش ورقّاصات ..
يا ستّـآر يا ستّـآار الحكومة هاذي مشكوكة ..
راه يحكي في الاجتماع على البطاطا والشكشوكة
يا الوزير اذا حاب تَتشوكـآآ روح اقرا على كارل ماركس ..
دوركَ تحبّس السياسة وتروح تبيع دَبشة وكرافَس !

يا قيو يا قيو فاقو فاقو الفقاقير ..
راهم جابولنا عبد قديم واقيلا شارب عَقاقير ...
يا قيو يا قيو فاقو فاقو الفقاقير ..
قول للشيخ شمس الدين هاذا مهبول روح رقّيه

يا قيو يا قيو .. كلماتكـ يقيّو
علابالنـآ شي مايقضيو حنا والفنا بلّي يقليو ..
يا قيو يا قيو .. كون علا يَقين
كون ماتلفظ القول عليكـ عتيب ورقيب ..
ما شوف يا الفقيه عندكـ هدرات عندكـ هربـآت ..
نورمالمون راكـ اتقرّي في اوكسفورد ولّا هارفارد ..
عندكـ واحد الالفاظ فيهم صَح ريحة النتونة ..
كون يسمعهم ابن خلدون يخبط راسو في الزيتونة
بهدلتونـآ بهَمتونـآ عُدنـآ نَحشمو بهاذ الدَولة ..
مشكـ قادر تقرا حتى ورقة قُدّامكـ مكتوبة
ازرب لازمتلكـ توبة علامات الساعة راهي تهبط
الدابّة لي تهدر في الجزائر راهي ظهرت ....