DESCRIPTION:
قصة انسان متشرد في زمان قَلّت فيه الرحمة في القلوب، في كامل قواه العقلية و الناس تصفه بالجنون (مهبول).

كلمات الاغنية:
البرد لي غطيني خير من دم قلوبهم
نجمة ونسيني خلي ڨاع ننساو وجوهم
قلبي مجروح بصح صافي يرقد هاني
نفرش كرطونة غطايا السما يرعاني العالي
ما نمد يديا ما نطمع في لي خطاني
يضحكوا عليا في ارضي عايش براني
ناكل من الزبالة حلال على مكلتهم
حالتهم حالة قلبي يبكي على حالتهم
و الناس حڨروني سماوني مهبول
نساو بلي هوما لي شفو
سيفري دنيا غدارا لعبتلي لو توور
ماشي انايا الظلام لي نخافو
الخبزة نتقاسمها انا و ڨاع لي كيفي
انسان محتاج بصح جامي نهبط نيفي
عايش وحداني نحسب في كل دقيقة
بيني و بين لهبال ... خيوط رقيقة
مانيش اناني
مانيش زوالي
مانيش مشتاق
مانيش مهبول
مانيش براني
بالاك غدوا تديني الموت نصيبها جنة
بالاك كي تغمض عيني نعيش قلبي يتهنى
مانيش اناني
مانيش زوالي
مانيش مهبول
مانيش براني
حقروني بالعين عفسو عليا خلاو دمعتي ويدان جرايا
كل يعيفوني بصح حالتي راهي نقية على شي قلوب عباد عايشين حذايا
وعلاش يا دنيا ميزانك يوجع لقلوب
علابالي الرب العالي مسطرلي كلش في المكتوب
حالتي عذاب و تمرميد و طريقي خاطي الذنوب
لهنى يخلقلك في البال جامي كان لهنى في الجيوب
يا نجمة
ديني لعالم وحداخر
حياتي فيه حلوة و عقلي فيه مستقر
نشوف فيه حياتي نقول واش بيه هذايا
كلمات عباد عايشين كل يوم نفس لحكاية.
Musique : Contrary beats
Paroles : Borkano
Camera : mustapha benadir /wassim beli
Montage : S.F.N ProductionS
Rec & Mixage : Kauchmar Prod

Contact :
#Borkano: https://www.facebook.com/salah.borkano
#Hamza ksouri: https://www.facebook.com/hamza.ksouri.562
#Kauchmar prod: https://www.facebook.com/kauchmar.prod.kp