DESCRIPTION:
Video: Warner Nattiel // @ordellrobbie_

«Macondo» Free Download: https://eldoradokiosk.ch/

Lyrics by Dezmond Dez
Produced by Boonie Mayfield, Mixed by Sir Jai

Infos & Dates:
https://www.facebook.com/dez031

Booking & Management:
jony@getloud.ch

© Eldorado Records 2016
www.eldoradofm.ch
____________________________________________________________________

METROPOLIS LYRICS

Bridge
Gheie usem 50te Stock, doch no bini i dr Luft
bis hie isch aues guet
si hei gseit, ws wichtig isch, sig dr Ufprauh u nid dr Sturz
bis hie isch aues guet

Verse 1
I ha geschter afa läbe, di räge-
peitschte Geböide si so höch wi mis Oug gseht
d’Chrüüzritter vo dr Neuzyt plane ihri Roubzüg
schribe 10-Punkt-Programm wime toub wird
zwüsche BMW’s u BMI’s vrgliche bim erschte Date
isch zäme rede auti Schueuh wi Cherze zieh
jede wet Hauh uf sire Stimm ha
drum redt me in Metropolis nume über Sichtbars
Heisenbergblaui Lüüchtschrifte bestimme z’Sichtmass
finanzielli Gwichtsklass wichtiger aus t’Gschichtsklass
üsi Kunscht hangt i Banke wosi nackt isch
was Eckene u Kante het, wird gschliffe bis es glatt isch
6% Körperfett wet nackt bisch
isch aues wode bruchsch, ds de glücklech i dr Stadt bisch
12-Stunde-Tag? - isch nid würklech schlimm
kennsch “Romeo und Julia“ vo de Gebrüeder Grimm?

Hook
Dr Wärter seit dür t’Gitterstäb mir sige frei
sini Jünger i söu zrügg, i sig hie nid dahei
dr Flyer vo dr Party seit: “Bliib nid allei“
i würd gärn mit ihre rede, doch weiss nid wis geit
viu schaffe, es git z’tüe - Metropolis
viu lache, weni Gfüeuh - Metropolis
viu anne, es isch chüeuh - Metropolis
i hoff es geit gli unger, doch sisch z’früeh - Metropolis

Verse 2
Im Weschte nüt Nöis - Schouspieler imne Glücksporn
jede wett es Stück Morn, schüttet Pünkt i z’Füeuhhorn
müglechkeitsbedrängt, so ds d’Würklechkeit nid längt
Metropolis, - frigidi Tröim, me cha ne nid a t’Wösch gah
Läbeslouf i blauer Tinte gschribe, ohni Löschblatt
d’Häng vouh mit Nüt, d’Wäng vou mit Schuum
Abfauh für aui, - Exkremänt vom Konsum
dir weit ä Liebi ohni Dach, doch wes rägnet wird me nass

Verse 3
Hoffe ufne Zauhtag, Robinson im Autag
ei Berüehrig u mir gheie: Dominos im Asphaut
keh Zyt meh fürnes Dankeschön, keh Platz meh für Gedankespiu
wo Nächsteliebi liegeblibt im Schatte vo de Banketürm
Zahle kenne keh Erbarme
Fauschirme für di Riiche, Fauhtüre für di Arme
fiire üsi Mörder, optimiere üsi Körper
wäre gärn Niemer, doch si zwinge üs zum Öpper
keh Ort me ohni Kameras - gfroreni Zyt
Hashtags - Esperanto für vrloreni Ching
isch z’Simulakrum reauh, wirsch du gebore aus Biud
dr Prothesegott het gseit ds mr hinke
Metropolis wird sinke we mr widr säuber dänke
u d’Macht sich nüm lenger i dr Nacht cha vrstecke
chunnt d’Fluet, chasch de Wäuhe nid e Sattu ufsetze
- Metropolis wird sinke amne schöne Tag