DESCRIPTION:
Discu recopilatoriu de poemes de Manfer de la llera al que grupos Asturianos ponen-yos musica

Más conocíu pol alcuñu lliterariu de Manfer de La Llera, ñació en Les Cuestes de Ciañu, Llangréu, en 1918. Ye autor de cuatru llibros onde combina la prosa col versu: Cuentos en versu asturianu (1953), Cielo bajo tierra (1982), Garrapiellu lliterariu asturianu (1983), y Cabalgando sol tiempu. (1990).
Entama a dase a conocer como escritor de monólogos humorísticos y poesía costumista, un daqué a la manera del tipu de lliteratura que s'estilaba nos años de la postguerra, encuantes Manfer de la Llera espubliza los sos primeros versos. Más sero interésarase pol tema la mina, sobre'l que traten la mayoría los sos llibros; nellos xunta la denuncia social, la vindicación de la llingua y la quexa esistencialista en formes poemátiques que d'avezu s'alleguen a la prosa. Bona parte de los sos escritos espublizaronse na prensa periódica asturiana y cartafueyos de fiestes del so Llangréu natal.
Ye miembru de l'Academia de la Llingua Asturiana y pá de dos escritores n'asturianu: Vital y Ramón d'Andrés. Con ésti caberu escribió Manfer de la Llera un Vocabulariu asturianu de la mina, espublizau por Alborá en 1997. En 1998 apaez na antoloxía El cuentu asturianu tres la guerra d'Antón García xunta los más destacaos narradores asturianos de posguerra y publica Coses vivíes, llibru d'alcordanza onde recueye venti vivencies de los duros tiempos d'enantes y dempués de la guerra.