DESCRIPTION:
(izvedeno na Melodijama Istre i Kvarnera 1996.)

DANICA

hode leta i kilometri,
tuka pušu drugi vetri.
ja san va grade ki je lep,
ma za tu lepotu ja san slep.
pa ga ne moren za svojega imet
on je zame tuji svet
još čujem glasi kraja
va ken san se rodil.
ćutin dih uja od ulike
i još me mat zove.
čuda san tega ja pustil
ma niš nisan pozabil.

PIŠITE MI KADE SU JUDI Z KUMPANIJE
ŠI GREJU JOŠ VA ISTE OŠTARIJE.
ŠI SE NAJDU JOŠ NA STAROJ STANICE
I KEGA GLEDAJU OČI OD DANICE.
PIŠITE MI AKO ZNA KADE SAN JA,
PIŠITE MI AKO ZA ME PITA ONA.
MA NEMOJTE NAPISAT
S KEN JE MOJA DANICA.

morda su pred njena vrata
već prosci prišli
i vericu od drugega
na ruku stavili.
rečite njoj da se ne pojida za me
prsten ki joj nude neka zame.

PIŠITE MI KADE SU JUDI Z KUMPANIJE
ŠI GREJU JOŠ VA ISTE OŠTARIJE
ŠI SE NAJDU JOŠ NA STAROJ STANICE
I KEGA GLEDAJU OČI OD DANICE.
PIŠITE MI AKO ZNA KADE SAN JA
PIŠITE MI AKO ZA ME PITA ONA
MA NEMOJTE NAPISAT
S KEN JE MOJA DANICA



-Video Upload powered by https://www.TunesToTube.com