DESCRIPTION:
Raghjunà

Senta cantà i me cari
Più forti chè u mari
Senta frisciulà u ventu
Chì siccarà u pientu

Senta cantà bellu ghjornu
A boci di meziornu
Veda baddà issu ghjornu
D'ugni locu fà u tornu

Veda rida, rida ghjenti
Eppo' sparta cuntintezza
Veda rida cumpienti
Fiuriti di billezza

Senta cantà a natura
Goda bè i so misuri
Senta cantà i murmura
Cù i tanfosi sicuri

Senta cantà u campà
Da quì è da mari indà
Veda ghjucà u campà
È i fruntieri baddà

Veda l'idei i più scemi
Appacià micca fà tema
È u silenziu 'lli brami
Raghjunà i cosi infami

Veda baddà i pinsera
Fendu nascia altri maneri
Pà campà ma senza chera
È nimu sighi stranieri

Veda campà milli cosi
Da sbucciati maestosi
Eppo' dinò tutti issi cosi
Innamurati è sposi

Senta cantà i me cari
Senta frisciulà u ventu

Senta cantà bellu ghjornu
Veda baddà issu ghjornu

Veda rida, rida ghjenti
Veda rida cumpienti

Senta cantà a natura
Senta cantà i murmura

Senta cantà u campà
Veda ghjucà u campà

Veda l'idei i più scemi
Raghjunà i cosi infami

Veda baddà i pinsera
Pà campà ma senza chera

Veda campà milli cosi
Veda campà milli cosi

(N.Valli/ G.Canarelli)