DESCRIPTION:
نجوان - الخلاصة (ثورة ٢٥ يناير في ٤ دقائق) | 2014
Nagwan - El Kholasa (Official Music Video) | 2014

أشترك في قناة نجوان الرسمية:
http://bit.ly/NagwanYT

كلمات, اداء و اخراج: نجوان
درامز و تصوير: احمد هشام
مهندس صوت: مينا منصور

توزيع ديجيتال: شركة قنوات

كانت بداية القصة يوم 25 يناير
نزلت انا وأصحابي والدم فينا فاير
عايزين نغير بكره عايزين حرية بجد
عايزين حياه كريمة من الولد للجد
لا كان الجيش هدفنا ولا الاخوان صحابنا
لا نعرف مين ورانا ولا حتي مين قدمنا
ومين مصلحته يركب ومين مصلحته ينزل
ومين هدفه يصلح ومين هدفه يخرب
كان الموضوع بسيط مش عايزة اقول عبيط
فاكرين انه ببساطه نقدر نشيل رئيس
وفجاه اللعبة كبرت والناس كلها سخنت
واللي يقول العيش واللي يقول حرية
واللي يقول دي عيال سيس ومفترية
وكتير نزلوا يطالبوا بالعدالة الاجتماعية
ورسوم علي الوش اترسمت واعلام كتير اترفعت
واللي يقول مصرية واللي يقول اسلامية
واللي واقف بيهتف عايزها ديمقراطية
ومسرح اتنصب وشاشة كبيرة جت
وشاي وقهوة وعيش وشيشة لو تحب
وناس بدات تخرب وبالملوتوف بتضرب
وقناصه بدات تظهر وشهدا كتير بتسقط
وكاننا اتقسمنا وبقينا علي المحك
لحد ما جيه اليوم و كش الملك
وبادينا كتبنا تنحي للفساد
روحت وأنا حاسة اني انا السبب
انا اللي هغير بكره انا بميت ولد

شوية والسيناريو بقي حاجة تانية خالص
والهتاف كله اتغير والشعب بقي لايص
اللي مع الملك واللي ضد الملك
واللي عايز يخلص علي جيش ام الملك
وطخ وطيخ وولخ وشيخ وتوء وتاء وتيتتتتتتتتتتتتتتتتتت
الف مبروك علينا المرسي ابن الـ ــــــــ
والتك تك والشرقية وحلوان والعباسية
وتعابين ليك وليا وسلملي علي الشرعية
وكان مفيش قضية للعياط في الداخلية
وصوابع في المدرية والخمسة سته مية
وفضايح عالمية ولغات مش طبيعية
ومؤتمرات سرية تتذاع علي الفضائية
ومص الصدمة ديه وانضغاط ليك وليا
شرعية شرعية شرعية شرعية
والشعب مستحملش وحس انه اتقهر
يعني ولادنا ماتوا عشان نجيب دكر
يبقي اخرنا عجلة بتجر شوال بصل
والشعب بحاله ثار وهتافه كان من نار
يا أبو دقن وجلابية مصر بلدي مش تكية
وكعادة العياط جاب نفسه علي البلاط
يوم 28 كلامه كان متين
تقولش الحجه ام احمد وهي عالعجين
مالاخر جاب اخرنا والسيسي كان ناصرنا
طلع في الوقت الصح قال الكلام الصح
وبعد يومين بالظبط كان العياط عالسطح
وفرحنا وغنينا واتصورنا واتمنينا
ورجعت وأنا حاسة برده اني انا السبب
انا اللي هغير بكره انا بميت ولد

شوية والسيناريو بقي حاجة تالتة خالص
والهتاف كله اتغير والشعب بقي لايص
اعتصامات في رابعة وتفجيرات في سينا
وهنرجع يعني هنرجع يا ولاد الذينا
ومن هنا نسمع بلوة ومن هنا نسمع شعر
وانتوا نور عنينا وطيخ وطاخ وفر
ورابعه بقت اشارة مرسومة علي الكتب
وباتية وبتونسلية وتيشرتات ويفط
وشيكولاتة السيسي وجاتوه سي سي
ودستور اغلبية وتفجيرات مدوية
فجروا المديرية ومتاحف اسلامية
واحتفالات عالمية في ورقص وبلطجية
اصل دي الذكري الثالثة للثورة المصرية
العيش والحرية والعدالة الاجتماعية
وزغرطي يا بهية زغروطة ليكي وليا
ـــــــــــــ
Official Website: http://www.Nagwan.com
Official Facebook: https://facebook.com/NagwanOfficial
Official Instagram: http://instagram.com/NagwanOfficial
Official Soundcloud: http://soundcloud.com/NagwanOfficial
Official Reverbnation: https://reverbnation.com/Nagwan
Official Google+: https://plus.google.com/+NagwanOfficial
Official Youtube: http://bit.ly/NagwanYT

-~-~~-~~~-~~-~-
سمعوا اغنية سموها دنيا علي الرابط التالي
https://www.youtube.com/watch?v=wI8TYwPpIOY
-~-~~-~~~-~~-~-