DESCRIPTION:
CD jetzt vorbestellen: http://www.exlibris.ch/de/musik/cd/milchmaa/-ic/id/7629999018938

Titel: Aba
Interpret: Milchmaa
Beat: Georg Gadient
Album: -ić
Recording und Mix: Lou "Geniuz" Zarra
Mastering: Dan Suter

Kamera: Valerio Priuli
Schnitt und Editing: Stefan Jäger

Text:

Du hesch z'ganz Johr gschafft bi Schnee und Rega
mit kaputtem Rucka vum schwera träga
dia Säck am schleppa mit gschwulena Händ
uf goldbrunem Nacka, will d'Sunna au brennt
din Chef, dä Biarbuch, nur am muula
doch bald hesch dini 4 Wucha Ruah vur Buuda
denn gohts aba, jez packt di z'Glück
endli Fiirobed, säg am Bagger Tschüss
dahei isch alles schu packt und ready zum früah los
d'Frau leit no as paar Sandwich ind Küahlbox
frischa Kaffe für Thermoskanna
will es wird an langa Weg so fern vu allna
z'Auto isch pumpevoll
hau die um dis Wohl für a Stund ufs Ohr
bis d'Kids vur Schual kömmen mit em Zügnis mit
du toleriarsch alles unter ama 5i nit
drum gits hinter d'Ohra, du bischs langsam müad
du wetsch nur, dass sie nit wia du mol krampfa müand
doch spöter zu dem, jez magsch eifach weg
nimm das Scheissgepäck und euri Reisepäss
denn gohts ganz schnell, hajde bre
no and Tankstell: Reifacheck
und uf dr Autobahn no a kurzes Gebet:
„Lohn üs bitte heil akoh"...und denn bisch weg

Ref.
Miar gönd aba
du hesch z'ganz Johr gschafft um jez aba z'fahra
dunkli Strossa als wäremer allei
mach kei Feria im Hotel, mach Feria dahei
miar gönd aba
du hesch z'ganz Johr gschafft um jez aba z'fahra
vu Schlagloch zu Schlagloch bis ganz noch aba
aba

Entlang an Berga, über Päss und durch Tunnel
alli kämpfen sich ihra Weg in da Summer
ob ar Küsta entlang oder quer durch alli Länder
ob mir Fähra übers Meer, s'isch sit jeh her unverändert
egal welli Routa es isch z'glicha Bild
Kinder uf em Rücksitz, wo am spiela sind
wenns nit gad schlofen oder quengeln, uf da Strossa as Gedränge
tuusigi Autos wo sich im a Tross duraschlängeln
du wärsch fast ignickt, drum machsch jez
Picknick ar Raststätt, bis di entspannt hesch
warum au hetza, diar lauft nix davo
du witsch liaber z'spot als nia akoh
kuum unterwegs pisst dr d'Frau fast in Karra ina
halta und Pinkelpausa uf em Pannastriifa
du glaubsch iar hends nüma lang
doch wia jedes Johr gits Stau am Grenzübergang
iar hend eifach z'warta, vu überall
kömmen dia verschiedensta Autokennzeicha z'fahra
Benzingruch und d'Hitz kennt kei Erbarma
Schmutz und Lärm und Hupkonzert
z'einziga wo dr Zöllner im Kofferruum atrifft
sind alti Kleider, biz Schoggi und Kaffi
dia Bulla sind echti Miesepeter
egal, vor diar dia letschta Kilometer

Ref.

Endli dunna witsch nur no usa us em Waga
d'Verwandta in Arm neh, a Kuss uf ihri Wanga
du bisch happy, was di stört an dem ganza
sie werden di ab jez wia an König behandla
4 Wucha lang bisch nüm dr „huara Jugo"
dafür dr „Schwob", wo sie kurz bsuacht und zruck goht
4 Wucha nüm dr „huara Jugo"
dafür dr „Schwob", wo sie nur bsuacht und zruck goht

Ref.
Miar sind dunna
all Schikana sind vergessa dunna
noch ama Johr sini Cousins treffa
und dia ganz Zit ćevape und burek essa
miar sind dunna
all Schikana sind vergessa dunna
vu Schlagloch zu Schlagloch bis endli ans Ziel
dunna

http://www.milchmaamusic.ch
https://www.facebook.com/pages/MILCHMAA/112469358776478
https://twitter.com/MILCHMAAMUSIC

2013