PUBLISHED: Dec 04, 2013
DESCRIPTION:
Un nuovo domani, una speranza per tutti quelli costretti a lasciare la propria terra e gli affetti più cari.
testo e musica di Gianni Lamagna
foto e montaggio video di Sergio Siano
Dimane putesse schiarà (21/1/2010)
So' vvoce che chiammano 'a mare,
so' mamme cu 'o triemmolo a''e mmane.
Fatiche e suspire 'e 'na vita
e tutte cu 'e figlie luntane,
ca si lle va bbona,
ritornano,
senza dimane...
Ma almeno ch' 'e ttrattano bbuono,
se parlano, e 'mmano 'a curona.
Ma 'o core ca vede luntano
fa apposta e lle dice priàte,
ca tornano ricche,
e a ffinale
so' tutte denare.
E invece 'e figlie corrono e gghiastèmmano
cu chella ciorta nera ca l'ha fatte,
cu chesta gente scema ca n'e ccaccia
ca s'è scurdata 'e quanno era sputata.
E 'e mamme se ne tornano penzanno;
chisà si 'o core nun ce sta 'ngannànno,
Ma teneno ati figlie e sso' ccuntente
si lle corrono 'mbraccio ogne mumento
Sentenno 'o mare 'e parlà...
dimane putesse schiarà.
(Gianni Lamagna)