DESCRIPTION:
Það verður sannkölluð strengjahljóðfæraveisla þegar Gestir út um allt snúa aftur í Hof næstkomandi sunnudag, 3. mars. Meðal gesta verður fiðluleikarinn og söngkonan Gréta Salóme og gítarsnillingarnir Björn Thoroddsen og Aaron Walker. Þá mætir Sigga Beinteins í lokin og klárar þáttinn með stæl.

Gestir út um allt eru í Menningarhúsinu Hofi á Akureyri og það kostar ekkert inn. Þátturinn hefst á sunnudaginn kl. 12.45 og er að sjálfsögðu í beinni útsendingu á Rás 2, sem er fyrst og fremst út um allt!