DESCRIPTION:
Hai un pais onde manda el orballu
onde el borrin y el sol de los esclavos,
onde la lluz nun alluma los suaños,
onde los años nun tien raigañu.

Nun tan los tiempos pa cantar epopeyes,
cuando yo era neñu cuntaben bien de eyes,
de un pueblo dignu, armau hasta los dientes
que vendia el alma por un puñau de idees.

Esto ye Asturies, esto ye Asturies
equí ye onde vivimos
equí ta lo que sentimos.

Tamién yo quise cantar eses fazañes,
tamién yo quise morrer neses batalles,
nun veo a naide, nun siento voces mas que la del aire.

Hai un pais onde ya escampla,
onde les hombres presenten batalla,
onde los muertos allumen los caminos
de los calpenes siguimos vivos (x2)

Esto ye Asturies, esto ye Asturies
Equí ye onde vivimos
Equí ta lo que sentimos.

Lletra: Xandru Fernández/Dixebra
Musica: Dirt Worx Entertainment/Dixebra

***

"Intensidá, alegría, rabia, análisis, pensamientu, llucha, política, coña... Estes son dalgunes de les coses, en dosis bien midíes, qu'aparecen nos cantares -siempre combativos, siempre alerta- de Dixebra. Hai munchos años que vienen acompañándome, creándome contradicciones dacuando, impulsándome a una mayor atención a la realidá. Si hai dalgo que me presta del sistema d'idees que converxe na voz de Xune Elipe, nos llatigazos encesos de rock and roll d'esta banda de cómplices, ye que les sos lletres pueden ser mui crítiques -como puede ser el casu de 'Esto ye Asturies'- pero encamás cain nel derrotismu. Na decepción puede que sí, pero namás si entendemos la decepción como esi primer peldañu que nos lleva, otra vuelta, al entusiasmu."

Xuan Bello