PUBLISHED: Mar 07, 2013
DESCRIPTION:
المونك
كي تشوف واحد مونك خويا سيسو / ولا غلط معاك واحد ساعفو/ جان ما راهوش مليح ما تهوشوش / راهو حاصل في همو خويا متزدلوش /.
كي تشوف واحد مونك خويا سيسو / ولا غلط معاك واحد ساعفو/ جان ما راهوش مليح ما تهوشوش / راهو حاصل في همو خويا متزدلوش/.
موح 4*4 :
ياو !! نشفا عليه عريان داير الزنقى دار ومسيد / يڨريسي بالبومبى ڨاز و لسيد / جابر القباحة و يزيد / يتقي فوادو/
كاش ڨيرى بعدو / مسكين قليل صحة و يتخايل وحدو / كثرو لحسايف ما يبوجيش من الباب / يبراكي لعجايز / قاعد او يساوم لي جايز / كاش رصيون شباب / لسان خامج فمو رايب / يموت على التعراش لمداهش والسيف /
وناس قليل لي تساعف تساربي كوتبيات لنيف /.
كي تشوف واحد مونك خويا سيسو / ولا غلط معاك واحد ساعفو/ جان ما راهوش مليح ما تهوشوش / راهو حاصل في همو خويا متزدلوش /.
كي تشوف واحد مونك خويا سيسو / ولا غلط معاك واحد ساعفو/ جان ما راهوش مليح ما تهوشوش / راهو حاصل في همو خويا متزدلوش/.
يوس :
و شبيك اتشوف فيا / راك تشر عليا / ليوم تطفر فيك قبل ما تطفر فيا / ڨاع لي جان مبليا / ڨاع زطايليا / ڨاع بسيكبات ڨاع بالموس هديك هيا /
أبكي يا لعجوز / وليدك راهو في بروبلام ضرب واحد بالموس / أبكي يا لعجوز وليدك حكملو بربة جوج ما رحموش /.
كي تشوف واحد مونك خويا سيسو / ولا غلط معاك واحد ساعفو/ جان ما راهوش مليح ما تهوشوش / راهو حاصل في همو خويا متزدلوش /.
كي تشوف واحد مونك خويا سيسو / ولا غلط معاك واحد ساعفو/ جان ما راهوش مليح ما تهوشوش / راهو حاصل في همو خويا متزدلوش/.
دياز :
متلومش ألي مبلي او لي رايح في هواه / الزطلة مرض صعيب والحبس مشي دواه / قبل ما تلوم الفخ سقسي علي بناه /تصيب لي قهر وليدنا / في لقصر لي بنى / حكم بلا حكمة عمى / واش تحكم في ظلمة / حتى القلب يتنعمى / كي تحسبو غير لحمة / هنا الحڨرة بلا معنى / بالتعباز و الشحنى / كيما طلع و تهبط دايمن لا فوت تاعنا /
كي تشوف واحد مونك خويا سيسو / ولا غلط معاك واحد ساعفو/ جان ما راهوش مليح ما تهوشوش / راهو حاصل في همو خويا متزدلوش /.
كي تشوف واحد مونك خويا سيسو / ولا غلط معاك واحد ساعفو/ جان ما راهوش مليح ما تهوشوش / راهو حاصل في همو خويا متزدلوش/.
كي يتعمر الراس الكرش تولي تقرقر / دراهم مكاش تسمع من لبعيد الجيب يصفر / ما تسقسيش خوك وعلاش يعمر / ياك الفقر يكفر / قلو ربي يغفر/ .
كي يتعمر الراس الكرش تولي تقرقر / دراهم مكاش تسمع من لبعيد الجيب يصفر / ما تسقسيش خوك وعلاش يعمر / ياك الفقر يكفر / قلو ربي يغفر/ .
