DESCRIPTION: A wid i wumi urzen ifadden Keblen wafriwen A wid i wumi texreb nneyya A widak yeǧǧa usirem At lewhi s wallen Aya d tudert di tmara Wissen ma d winna i yraden Ma d tinna i izelgen Ma d kunwi i yebɣan akka
A win icennun Ay amedyaz bu isefra A win ileḥḥun I ifuken abrid ur ikfa Xas yexsi lkanun Ur kfint tmucuha Ayen i d-iteddun Zriɣ ur s-tezmireḍ ara
Xas yexsi lkanun Ur kfint tmucuha Ayen i d-iteddun Yezmer ur s-tezmireḍ ara
Ayen i d-iteddun Ayen yak tugadeḍ ataya Ayen i d-iteddun Ayen yak tugadeḍ ataya Asburru uqelmun Deg-k ara tɛeddi ccetwa Ccrab ukerṭun Dexxan lkif d ccemma Tseɛbeḍ ay aɣrum Am wakken tesɛeb trewla Tseɛbeḍ ay aɣrum Ad ak-tisɛib liḥala A ttubeḍ ay aksum A ttbeddleḍ ay udem ṣṣifa A ttgeḍ am uɛeggun A yettwali wer yesla A tterwuḍ lehmum D acu ara k-d-teg snitra
A tterwuḍ lehmum D ytid-nni n wid-nni ak merra Ucmiten ad k-rwun Meɣzi, rregmat, tita Anwa k-yessrun Ala win k-yeǧǧen ccama Tegriḍ-d d ameɣbun Mačči d ameɣbun yerna
Tegriḍ-d d ameɣbun Gar wexxam ak d lḥala A tteẓreḍ ay amcum I tga tegmat a gma A ttwaliḍ ahdum Ara ɣ-ihudden si lqaɛ Ma yella d at Xelfun Ttaddart am tudrin merra