DESCRIPTION:
Nui dannati registrato in sala "artigianale" dai seguenti musicisti:

Salvatore Fischietti: Chitarra acustica e voce
Nicolò Musmeci: tastiere
Joanna Moschella: Flauto traverso
Luca Ragonesi: Batteria e percussioni
Marcello Marcellino: Basso elettrico, cori
Tiziana Anzalone: Voce solista

Il testo è stato scritto da Salvo Ragonesi

Certu, ca megghiu era
si non fussimu nati
n'ta chistu sporcu munnu
ca è terra di dannati.
Non è pi lamintarimi
ca iù vi dicu chistu
anzi, vi pozzu diri,
ca ringraziu a Cristu.
Certu, supra di nui
non penni bona sorti,
si ni tiramu i cunti
cunveni essiri morti.
Ma, non ni sentu unu
ca mi ni dici beni,
allura non sugnu iu sulu
a cuntari sti peni.
Accussi, mi cunsolu,
calmu poi la mo testa
purtroppu, a sti pinzeri,
la menti mia prutesta.
Ma, tardu mi ni accorgiu
ca tuttu eri sbagghiatu,
non c'è n'puvireddu
ca non campa dannatu.
Pi n'cuntu e cu pi n'autru
ni sintemu tutti cristiani,
cu è nobili d'animu,
cu aviri e cu divi dari.
Non ci capisciu nenti
parola mia d'anuri,
a via d 'arragiunari
iù perdu la ragiuni.
Chi società è chista
ca viggi di sti tempi,
semu tutti signori
cu ci capisci nenti.
Cu sordi teni a banca,
debita a destra e a manca,
cu eri pavaturi
non avi dibituri,
ma manchu sordi avi
pi putiri mangiari.
Ma Cristu, allura iù dicu,
pirchì tanti traversii?
vol diri ca li Numi
ci sunu tantu avversi