DESCRIPTION:
همت ...
من غير راحة بال ...
بس طرواك تبرالي
على جروحي ؛ الجروح تنوح ...
حالي يشد عزم حالي
ولا ترخص شجاها الروح ؟...
عدها شما تذل غالي ..!

واهيم ...
و أناحر ويه الريح ...
يا ريح الجفه ...
شعالي ..!!
لمن چل الجدم ..
هينوب ...
منك ما شفت تالي ..!!

واظل حاير ولا بالناس ...
للسر ...
ظل الگلب خالي ..!
ولا دانك عذابك يوم ؟..
عاصف ...
يردم بجالي
ولا ترخص شجاها الروح ؟...
عدها شما تذل غالي ..!

اسل ...
سل الشمع واتناك ...
وانت على اليسل سالي ...
تظل عالطول تبرالي
مثل ظلي ...
او عذاب جفاك ...
كل لحظه يتراوالي
وازيحك من رفيف الروح ...
ما تنزاح ...
من بالي
واعيش بحسرتك هايم
أشب ؛....
نوبه بعذاب الروح ...
نوبه بلومة اللايم
واعض أصبع ندم ...
ياهيه ...
ندمة شتنفع النادم
وابسط للوكت ...
للظيم ...
ليك
لشرهة الوادم
عفاني شبيه لك نابات
ما خلت كتر سالم
.
.
عريان السيد خلف