DESCRIPTION:
Najkrasši rusinski špivanki - Moj valal Ruski Kerestur (Pisnja Rusnaka) to pisnja htora na počatku 2006. roku prilapena jak švetočna pisnja Rusnacoh u Serbiji. Na tekst poeti Julijana Nadja muziku napisal Mihajlo Bodjanjec i tak nastala jedna z najkrasših špivankoh u muzičnej skarbnjici vojvodjanskih Rusnacoh. Naj zdohadnjem, Julijan Nadj Mitja stracel život 1989 roku u transportnim nješčescu. U svojim kratkim živoce (1957-1989) pisal prozu i peziju i, nia, udalo še mu hljiboko zoz duši visipac i stihi pisnji htora, ked še zjavela u javnosci jak kompozicija, za kratki čas postala poznata pod nazvu "Rusnak". Sluhajuci totu pisnju pravi vojvodjanski Rusnak nje mohol a nje počuvstvovac korč u peršoh pre hljiboku pravdu o htorej poeta u tih stihoh prehvarel, o muki i jestve Rusnakovim htori zoz krasnih alje hudobnih Karpatoh prišol na totu bohatu rovnjinu u čijih brazdoh proboval najsc ščesce i širic svoj rod.. Šicko toto bulo, ozda, pokus i u švetlje fakta že Nadj u joho 32 roku pošol z toho šveta. Hto zna kelji slizi kapli pod čas sluhanja tej prekrasnej špivanki. Ljudze dluho nje znali anji jej nazvu, alje ju žadali i žadaju čuc u každej nahodi na svadzboh, na krescinoh, na vešelju u karčmi pri hudacoh, za svoju dušu... Špivanka prekrescena alje to nje zavadza, mi zname že to naša ljubena špivanka "Rusnak" htora zanavše ostanje jeden zoz bljiščacih drahocinih kamenjoh u skarbu Rusnacoh.
Kompozitor Bodjanjec tiž mal okremnu inspiraciju ked nadumal, trimajuci stihi svojoho bljizkoho prijatelja u rukoh, isti ukrašic zoz muziku. Špivanku špivali vecej špivače, medzitim tota verzija u htorej še jak interpretator javja sam kompozitor Bodjanjec, provadzeni z Veljkim tamburašskim orkestrom Radio-televiziji Vojvodini i Hlopskim horom Domu kulturi Ruski Kerestur, ostala najupečatljivša.