DESCRIPTION:
Jónasi Sig finnst rosalega gaman að semja texta sem taka afstöðu. Hann á það til að rífa kjaft í textunum sínum og benda á það sem honum finnst að betur mætti fara.

Jónas og Kristjana Stefánsdóttir voru gestir Morgunútvarpsins. Þau töluðu um mikilvægi þess að taka afstöðu, um tónlist Jónasar og Ritvéla framtíðarinnar og hvernig ritvélar tengjast humaráti. Þau léku svo og sungu fallegt ættjarðarlag um rokið.

Jónas spilar á gítar og syngur með Ritvélum framtíðarinnar, en grípur reglulega í trommusettið á tónleikunum. Hann samsvarar sig trúbadorum sem tróðu upp með ádeilutexta og tóku afstöðu með tónlist sinni.