DESCRIPTION:
دعا ۔۔ از فیض احمد فیض

آئیے ہاتھ اٹھائیں ھم بھی
ھم جنہیں رسم دعا یاد نہیں
ھم جنہیں سوز محبت کے سوا
کوئی بت کوئی خدا یاد نہیں

آئیے عرض گزاریں کہ نگار ھستی
زھر امروز میں شیرینی فردا بھر دے

وہ جنہیں تاب گراں باری ایّام نہیں
ان کی پلکوں پہ شب و روز کو ھلکا کر دے

جن کا دیں پیروی کزب و ریا ھے، ان کو
ھمت کفر ملے جراءت تحقیق ملے

جن کے سر منتظر تیغ جفا ھیں ان کو
دست قاتل کے جھٹک دینے کی توفیق ملے

عشق کا سر نہاں جان تپاں ھے جس سے
آج اظھار کرے اور خلش مٹ جائے

(فیض احمد فیض)

_________________