DESCRIPTION:
بديعة بوحريزي - أسر
الخوف لم ضلوعو و القلب تخنق
ماعاد يعرف العلة منهم ولا من القلق
خوه مازال عندو طاقة يحلم قاعد في فرشو تقطع عليه النفس
أختو مازال عندها طاقة تحلم كيجي راس الشهر بدنها يتكبس

آآآه آآآه بدنو يعيط حرية
آآآه آآآه بدنو يعيط حرية

كيفاش تحبني نهد جبولات في 10 متر مربع
إيجا نحكيلك كيفاش تتعدى الأيامات و الساعات في 10 متر مربع
كيفاش تحطم أجيال و كفاءات في 10 متر مربع
كان متستهلكش تتخنق و كان تستهلك يحطوك في 10 متر مربع

آآآه آآآه بدنو يعيط حرية
آآآه آآآه بدنو يعيط حرية

ناس واقفة و ناس خايفة و ناس اقتنعت بقانون الغاب
و ناس تستنا في تصريح باش تشوف فلذة الأكباد

ناس واقفة و ناس خايفة و ناس اقتنعت بقانون الغاب
و ناس تستنا في تصريح باش تشوف فلذة الأكباد
ناس تتسلف و ناس تتسول و ناس عزة النفس ما خلاتهاش
وناس ماهي ناس حياتهم مشات في جرة بلاد حكموها ولاد الكلاب
وناس منا بحرية الروح الي بمال قارون ماتتشراش
وناس تعرف الي كيف يملى كاس الظلم ريح الحرية ما يبطاش

وناس تعرف الي كيف يملى كاس الظلم ريح الحرية ما يبطاش