PUBLISHED: Jul 02, 2013
DESCRIPTION:
ما بتذكري عالنهر كنتي توقفي
و زهر الندي من ورد قلبي تقطفي
و كيف كانت ترقص خيالاتنا
و تلعب بموجات المي و تختفي
و صفصافة الفوق النهر توميلنا
و عن سر بعدو بقلبها تحكيلنا
و يرجف ورقها و يستحي مقابيلنا
بس يمرق تحت منها العاصفي
ما بتذكري مشوارنا بين الكروم
و الليل واقف بينا و بين النجوم
و القمر واقف نايم على فرشة غيوم
نايم على وجهو قميص منتفي
نسيتي نسيتي و ما بقا عندك حديث
ما عاد يشرب من ضلوعي الياسيمن
عمر الهوا رح ينطفي عليك حزين
و كل شمعة حب حدو بتنطفي