DESCRIPTION:
Song «Besser wenn i gah» vom Album «Bittersüessi Pille»
► https://bkra.lnk.to/BittersuessiPille


Mehr Infos:
Facebook: https://facebook.com/stefflacheffe
Instagram: https://www.instagram.com/stefflacheffemusic
Webpage: http://www.stefflacheffe.ch

YouTube Kanal abonnieren: http://bitly.com/BakaraMusicYT


Titel: Besser wenn i gah
Clip: Riviera Pictures / D. Jud
Kamera: Y. Durrer / Riviera Pictures
Licht: V. Stasi
Hair/Make Up: A. Strahm


Lyrics zum Song «Besser wenn i gah»

STROPHE
Ha di z’erscht mau troffe irgendwo ire Bar.
Nid bekifft u bsoffe, immer no zimlech klar.
Du scho zimlech bsoffe mit dr Fründin im Arm.
I ke Bock uf Smalltalk mit däm fründleche Paar.

Ha di schnäu vrgässe, wöu d Nacht isch läng,
di schwäre Bäss u dr Schnaps isch schträng.
Hanes geils Konzärt mit dr ganze Band
U dis Gsicht isch wäg, i has fasch vrdrängt.

Doch mir hei üs widr troffe irgendwo ufme Perron.
Du so: „Hey Sorry, du bisch doch d Ste?! Weisch no?"
U i so: „Ja mou äh, i gloub scho!“
Grad liecht irritiert vo dene tiefblaue Ouge.

U d Schtunde vrgöh vis-à-vis vonenang,
Wi Sekunde vrgöh di Gschpräch mitenang.
I lueg dir i d Ouge u chas chum benenne.
Gschpüre Vrtroue, aus würd di ewig kenne.

STROPHE
U mir hei üs widr troffe u widr u widr.
Mir hei telefoniert u mir hei gschribe.
I bi zu dir hei cho, hesch für mi kochet.
Nei, isch nüt gloffe, mir es Mü z’ koscher.

Wi bir erschte Liebi, schwär z’beschriibe
Ds Gfüuh, wo entschteiht, we sech Härze riibe.
Es erschtuunt mi säubr, dass mi di Aablick schockt.
Sisch eher säute, dass mr dr Atem schtockt.

Bi meh Egoischtin, aus Beziehigstyp.
We mi Beziehig schtresst, ja, de zieh mi zrügg.
Trage ds Glück i mir und i bruche ke Partner,
Drum entzückts mi schier, ha nid uf di gwartet.

Du hesch sone Art, womi fasziniert.
Bi totau vrnarrt, i bi fasch vrliebt.
Liebeslieder, mir vrleidet des Gschwätz,
Doch itz liiri im Fiebr und i meine di Sätz.

REFRAIN
S’isch bessr wenn i gah, o wes schön isch gsi.
Lehre z’widrschtah, wöu du ghörsch mir nid.
I la di lah si. Weiss es gschiidr.
Wes würk söu sii, de gseh mr üs widr.

STROPHE
Wett di kennelehre, doch cha di nüm gseh.
Es isch schön mit dir, doch tami, s tuet weh!
Berüehr mi nid. Vrfüehr mi nid.
Füeuhsch du nid des Füür i mir?!

Flamme Züngle, ufbegehre.
Gfausch mr sehr. I muess mi wehre.
I kenn di Schäisse! Nid widr sone Story, nei!
Schpile liebr ohni di, warte ab u schone mi.

Vrzeusch vo Krise zwüsche dir u dire Liebschte?!
I schiebe Krise, wöu i unglücklech vrliebt bi.
I ha säubr betroge. I ha gfiggt u gloge.
Mi vrschtrickt u vrboge u mi gschickt use zoge.

Du bisch so blöd, bisch so blind du Siech!
I bi so blöd, I bi so blindvrliebt!
Es wär so schön. Villech z’ ring vrdient.
Drum gahni furt und i sing des Lied.

REFRAIN
S’isch bessr wenn i gah, o wes schön isch gsi.
Lehre z’widrschtah, wöu du ghörsch mir nid.
I la di lah si. Weiss es gschiidr.
Wes würk söu sii, de gseh mr üs widr.


Copyright Bakara Music 2011